Mangsane turu mesthi
kelingan sliramu
Iki uga kekarepanku nalika
nduweni rasa
Filosofi sing gawe
bebungahing ati
Tandhane wis rampung anggone
golekki
Apa kudu aku kang ngudhar
kangening rasa iki
Kasunyatan lelakon iki bisa
kanggo tekening lakuku
Hardaning nala tan bisa
ngampah rasa tresna iki
Ubaling setya iki.....mung
mligi kanggo sliramu
Luhuring jati tan nora bakal
lali
Janji iki sing dadi pathokan
lakuku
Aku kudu eling !
Nadyan akeh prasasat tumeka
Nyata rasa saya
ngrembaka...tan kena cinandhet
Aku dadi bisa angrasa sihing
Gusti tan ana watese
Hardaning tresna anggone
marang sliramu
Pleret… pet !
Panyawange katon peteng ndhedhet
Pangrasane rasa sepi nyenyet
Salira mangsa bodhoa
Meneng…
Anteng…
Hamung sumeleh rasa ing dhadha
Pleret… pet
Lamus-lamus pucuking netra
Dadya lamur sira anyawang
Dene lamuk anjujug ora bisa disadhang
Geneya?
Kabeh padha jenggiratan
Apa krana lamus, lamur, lan lamuk sing padha pasingsetan?
Ya… bisa wae, sabab katara
Krana wayah saya pleret
Sabab sumber daya anjlok ora katulungan
Sampun katata rapi
Jarik kajiret mubeng
Sido mukti laurikke
Pratandha lelorone panggih
Alon endah lumakune
Tumapak ing tlatah abang
Mengkana wus kasambut
Arupa DEWI SINTA
Paes ireng kang nggambari
Ayuning wanguning rai
Kasandhing dening RAMA
Lumampah marang enggaling jagad
Tidak ada komentar:
Posting Komentar